Bad Feeling

唔開心, 又係由鬧交開始。你開始唔理我, 唔望我, 唔同我講野, 其實我都唔開心, 但我已經同你講返野先, 點解你到依家都當我透明? 你雖然唔同我講野, 但我都成日用眼神尋覓你眼里既我, 但我每次望你, 你都唔望我。你同人地傾偈傾得咁開心, 我雖然坐O係你附近, 但我就好似陌生人咁, 一O的都分享唔到你地既快樂...... 你地既快樂? 幾時你既快樂會同人地分享? 咁我呢? 陌生人既感覺好難受, 連唔應該吃醋既人我都開始吃醋, 愈唔應該, 愈覺得唔開心。佢坐你隔離, 每次同你講野, 我都有聽, 佢掂到你, 佢拍你啊! 你有無感覺啊? 我望住你地咁親密, 點解你唔避開啊? 點解你一O的想避忌既意思都無啊? 你知唔知我O係度啊? 我又望你啦, 你知唔知啊? 點解你可以咁開心咁笑? 而你既眼里面永遠都望唔見我......